عطل السيارة x ادعوا لاخوي بالرحمة

25 7

لايمكنك التصويت حتى الحصول على 20 نقطة على الأقل
إضغط هنا للإخفاء

jemmi07 340
قبل 7 سنه و 8 شهر

في مثل هذا اليوم قبل ثلاث سنوات مات شخص عزيز علي

مات شخص امضيت حياتي كلها معه

مات الشخص الي كنا انا وهو ما نفترق .... كنا نلعب في الحارة كورة .... نسرق سيارات اباءنا سوا .. فلتنا سوا .. حتى اكلنا سوا

هذا هو الشخص الوحيد الي وثقت به في الحياة

انا وهو في نفس العمر ... انا وهو يتامى بدون ام ... انا وهو اخوان او اكثر

للحين اذكر اول سفرة لحالنا ، كيف كنا فرحانين وفي نفس الوقت خايفين

للحين اكر اخر يوم اختبارات لنا ، وذاك الفطور مع الشباب من عز الصبح

للحين اذكر كيف كان يسرق بحوثي من على مكتب الدكتورفي الجامعة عشان اعدلها

دخلنا انا وياه كلية الملك فهد الامنية سوا
كانت من اجمل ايامنا
للحين اذكر وقفته .... للحين اذكر وجهه الشاحب من التعب ... للحين اذكر سواليفنا في الخط وحنا راجعين من الرياض للجنوب

تخرجنا ضباط سوا

تعيينا بعيد عن مدينتنتا لكني ماشعرت بالغربة ابد .. اكيف اغترب واخوي بجنبي .. جاه نقل لمدينته لكنه رفض !! تدرون ليه ؟؟؟؟
لاني ما بكون معاه

وفي ذاك اليوم قمت وصحيته

صلينا الفجر سوا وقال لي بعد الصلاة

تصدق يا اخوي مشتاق لامي
وبعدها قال انا تعبان ودخل ينام ، الحيت عليه اني اوديه المستشفى لكنه رفض

جيت اصحيه يصلي الظهر واحاول فيه وما يصحى ، حسيت بشي غريب في قلبي وما قدرت اتحمل قمت صرخت عليه بكل بصوتي ..... قووووووم ولا بتهبدك
لكن لله ما اخذ ولله ما اعطى

هذا الاخ العزيز مات

جاتني حالة هستيرية كل الي عرفته منها اني كنت اضحك بشكل جنوني

وعلى كلام الزملاء اني كنت افيقهم وافصخ ثوبي ويرجعون يلبسوني اياه


بلغنا اهله ونقلنا جثمانه

ما قدرت انسى وجهه بعد ما كشفته له وهو في قبره ...
كان مبيضعلى الرغم من ان لونه اسمر

انا ما اكتب لكم قصة حزينة ، ولا اقتبس لكم رواية من احد الكتب، هذي قصتي مع الشخص الي كان اخوي الي ما ولدته امي

كل الي ابيه منكم تدعون له بالرحمة والمغفرة لانه محتاجها

إبلاغ

الردود